காதல் யுத்தம்

இரு நாள் யுத்தம் முடிவுக்கு வந்தது அவள்
காட்டிய வெள்ளை கொடியில் !!!

செந்நிற வானம் வெண்ணிறம் ஆனதும்
வெண்மதி வந்து பகலில் சிரித்ததும்
சுற்றும் பூமியில் நான் சுற்றம் மறந்ததும்
உன்னை காணாமல் அந்த காலம் தடுத்ததும்
யாருமறியாமல் கண்கள் கண்ணீர் விடுத்ததும்
உயிர் அணுக்கள் அனைத்தும் உன் பெயர் சொல்லி துடித்ததும்

இரு நாள் யுத்தம் முடிவுக்கு வந்தது அவள்
காட்டிய வெள்ளை கொடியில் !!!

உன் சிட்டு சிரிப்பில் நான் என்னை இழந்ததும்
உன் ஒட்டு நிழலில் நான் உயிர் வாழ துடித்ததும்
உன்னை பார்த்தவுடன்  நான் என்னை இழந்ததும்
நீ இல்லையென்ற வார்த்தை கூட கசப்பதும்
இந்த நீண்ட யுத்தமும் முடிவு பெறும்
அவள் காட்டிய வெள்ளை கொடியில் !!!

புகைப்படம்

நெஞ்சை புகையவிட்டு போனவள்
மீண்டும் பார்வையில் புகைப்படத்தின் வாயிலாய்
எரியாத இதயத்தை அணைப்பதற்கு
கண்ணீர் கண்களின் வாயிலாய்
மாற்றுவதற்கு மனமில்லை
சிந்தனை என்வசமில்லை

மறதியெண்ணும் மாயை  உன்னை மரிக்கவும் இல்லை
முழுவதாக உன் நினைப்பை நான் அழிக்கவும் இல்லை
என் முச்சு காற்று இன்னும் முடியவும் இல்லை
அதனால தானோ இன்னும் இத்தனை தொல்லை

முழுவதும் மறப்பதற்கு மார்க்கமும் இல்லை 

முயன்றேன்  பலமுறை பலன் ஏதும் இல்லை 

இன்றளவும் முயற்சியை நான் கைவிடவும் இல்லை 

இனி என்  வாழ்வில் உனக்கு இடமே இல்லை

தொலைந்த புத்தகத்தின் தொலையாத சில தொகுப்புகள்  - NavaS